Strategaeth Gymunedol Sir Gaerfyrddin

A fedrwch chi ein helpu ni i gyrraedd ein nod a datblygu’r Strategaeth orau i Sir Gâr?
Byddwch yn feiddgar, yn ddychmygus ac yn greadigol. Anghofiwch am y pethau diflas a
chyffredin. Rydym eisiau syniadau mawr, uchelgais fawr.

Ynghyd ag adeiladu ar nifer o lwyddiannau’r Strategaeth Gymunedol wreiddiol yn 2004, mae’r ddogfen yn tynnu ynghyd gweledigaeth gytûn ar gyfer dyfodol Sir Gâr – un y mae’r Cyngor, sectorau cyhoeddus a phreifat, sector gwirfoddol a chymunedol a Llywodraeth Cynulliad Cymru yn gallu helpu i’w gwireddu drwy weithio ynghyd, cynllunio ynghyd a gweithredu ynghyd. Dyma’r cynllun ymbarél hir dymor am yr ardal a fydd yn dylanwadu ar ein holl weithredoedd.

Dyletswydd y Cyngor yw paratoi strategaeth gymunedol, a dim ond trwy weithio mewn partneriaeth gyda nifer eang o asiantaethau a chymunedau y gellid ei chyflawni. Cynorthwya Partneriaeth Sir Gaerfyrddin a’r Bwrdd Gwasanaeth Lleol i gadw gorolwg ar weithrediad a datblygiad y Strategaeth.

Bydd Strategaeth Gymunedol yn penderfynu ar y math o Sir Gaerfyrddin yr ydym eisiau yn y dyfodol i bawb – pobl ifanc, pobl hŷn, trigolion ac ymwelwyr. Am y rheswm hynny, mae angen sicrhau bod pawb yn cael cyfle i osod y weledigaeth erbyn 2020 a chynhelir cyfres o ymgynghori ac ymarferion i grynhoi ystod eang o safbwyntiau.

Rydym eisiau eich syniadau ar gyfer y dyfodol. Beth fyddai’r penawdau yn y papurau lleol? Dyma’r amser i roi gwybod i ni. Cwblhewch y slip isod a dychwelwch i’r Tîm Cynllunio Cymunedol.

 Taflen Strategaeth Cymunedol

 Cystadleuaeth